米走雞 (昭德大廈) (已結業)

我之前試過着買呢間外賣芝士雞煲返屋企食好好食， 所以今次就去試吓佢嘅辣雞煲，首先呢一間米走雞第一樣要講嘅一定係佢嘅價錢同埋份量，係超平同埋超大份，食雞煲加打邊爐兩個人$500係飽到好似食buffet咁。 雞煲非常香，已經係叫咗小份，但係都應該有一隻雞。 雞肉嫩滑， 超入味。 五寶丸一定要嗌，真係全部手打，真材實料，爽口彈牙。 虎蝦都超新鮮，唔知係咪游水貨， 但係真係大隻又彈口。 又係只係叫咗小凡嘅肥牛竟然大碟過其他舖頭嘅例牌。 牛肉仲要係高質，有牛味，入口即溶。 只係$98