囍越 (屯門市廣場) (已結業)

晚上10點睇完戲肚餓,於是就去附近的食店搵野食~去到已經係LAST ORDER了,所以快快睇下有咩食。香芽豬扒酸菜凍檬($54),最鍾意食撈檬,酸酸地比較開胃,佢個酸汁整得唔會太酸,剛剛好唔會搶其他配菜的味道。豬扒炸得香口,肉香四散還有肉汁唔會乾蒸蒸似肉乾。酸菜份量唔多同埋唔夠酸。反而生菜就俾左好多,中和左豬扒的油膩。食完真係好飽。仲叫左個炸蝦餅,唔似平時食開的泰國炸蝦餅,呢個唔似炸過,外皮軟好似食緊魚條咁,蝦味不夠,彈牙唔夠都唔鮮,有點敗筆。人地就收工唯有食快少少,有機會先試下其他,醫到肚已經好好,而且食完唔太口渴,呢點好重要!~