沖繩二段料理 (Megabox)

營業中

休息中

行左甘多次megabox,第一次坐低向到食野，見到附近食野既枱上面都有一個蒸籠同一個鍋既野。就好想睇下咩黎既。甘岩經過Antoshimo cafe&bakery，再望下個餐牌（原來見到枱枱枱上面既蒸籠就係呢度)，見到有個餐叫沖繩自選定食。A+B+C=68A3芝士蕃茄炊飯幾吸引就叫左，蒸物B1蒸魚柳小食追加D4紫薯甘栗脆皮餅。每個餐奉送一杯冷/熱飲品。天氣甘熱緊係要杯凍黑糖凍檸檬茶飲啦。芝士蕃茄炊飯（用鐵鍋裝住）所以黎到啲飯係熱到放唔到入口，有2件蕃茄多汁的面上舖左一層芝士，每啖都可以食到既溶溶地芝士。每粒飯都充滿茄汁同芝士。蕃茄同芝士是離不開的配搭好味。蒸魚柳（原個蒸籠去蒸）分量都很多，4大塊魚柳，加菜，壽喜菇和南瓜。魚柳係煎左金黃色再去蒸既所以帶少少油向及香口。紫薯甘栗脆皮餅咬到紫薯的粒粒，好香脆。我知係食左半舊咋，其余比我個小朋友食晒（原本只係比半舊佢食，點知食完仲不停話要食）。黑糖凍檸檬茶，黑糖味好淡茶味好濃，唔追求啲咩都可以接受既。食晒成個餐再飲埋杯野，非常飽肚。 $68套餐係非常抵食。