漁品酸菜魚火鍋放題 (已結業)

去沙田做gym，剛好見返舊同學，一於揾地方食飯聚下，佢住大圍果邊，樓下有間漁品酸菜魚火鍋放題店，抵食又好味，星期一至四重冇加一。餐廳主打火鍋放題，亦有提供套餐和散叫。見到有烤原條沙巴龍躉，有套餐也可以散叫，我哋好想試吓，所以放棄放題，揀咗食烤原條沙巴龍躉，3種味道中揀咗酸菜味，龍躉來自馬來西亞，師傅將龍躉開邊後烤熟，再用酸菜湯底炆煮，還加入多款配菜，有冰豆腐、酸菜、蘿蔔、蓮藕、大豆芽、雲耳，芫荽等。一大盆上枱滾住食，魚有1.5斤重，份量十足，烤過的龍躉表面金黃色，浸在酸菜味湯底內，吸收酸辣的味道，魚味鮮濃，肉質細嫩，魚皮含豐富的骨膠原。真係好惹味！加配咗火鍋配料，鴨血嫩滑。西班牙黑毛豬梅肉，肉味香濃，肉質鮮嫩。蝦丸鮮味彈牙。