影片
更多
2016-12-12
1068 瀏覽
肥媽入醫院第二晚，我同細妹探完佢之後，晚上9：00，嚟咗呢度食晚餐。店舖空間頗細，座位最多廿個，但可能平日加上夜嘅關係，食客唔算多，感覺唔算逼。餐牌全部用手寫，牆身亦貼有唔少菜單同相片，但我心情唔好，冇乜胃口，簡單點咗個1號特惠精選套餐龍脷柳長通粉，飲南瓜湯同熱華田；細妹就點咗個炒雜菜同雞翼。我個南瓜湯先到，有南瓜茸同忌廉味，甜甜哋，味道ok。長通粉份量好多，賣相亦好，不銹鋼焗盤外圍仲有個膠兜套住，但個女侍應拎埋嚟都有叫我小心熱，態度唔錯。龍脷柳熱辣辣，外層夠脆亦大塊，白汁芝士同通粉份量亦多，味道幾好；我問女侍應要茄汁，佢遞咗支地門俾我，我落咗好多茄汁落去，味道更加好！至於杯熱華田，好奇怪，唔知點解？我覺得有陣蕃薯味！細妹兜炒雜菜嚟先，佢分咗啲俾我，爽脆亦好味！至於雞翼我就冇食到，但細妹覺得都唔錯！差唔多埋單時，見到牆身貼有禁止一份餐兩個人食，否則收$50座位費，感覺麻麻地！我見佢哋個Summer Dinner Set款款係雙拼，本來我真係有諗過叫一份同細妹share,好彩冇，否則俾佢哋額外收費就唔抵！我哋食到晚上十點幾埋單，當時仲有人啱啱入座。可能個通粉實在太full, 食哂一份餐嘅
店舖空間頗細，座位最多廿個，但可能平日加上夜嘅關係，食客唔算多，感覺唔算逼。
餐牌全部用手寫，牆身亦貼有唔少菜單同相片，但我心情唔好，冇乜胃口，簡單點咗個1號特惠精選套餐龍脷柳長通粉，飲南瓜湯同熱華田；細妹就點咗個炒雜菜同雞翼。
我個南瓜湯先到，有南瓜茸同忌廉味，甜甜哋，味道ok。長通粉份量好多，賣相亦好，不銹鋼焗盤外圍仲有個膠兜套住，但個女侍應拎埋嚟都有叫我小心熱，態度唔錯。
龍脷柳熱辣辣，外層夠脆亦大塊，白汁芝士同通粉份量亦多，味道幾好；我問女侍應要茄汁，佢遞咗支地門俾我，我落咗好多茄汁落去，味道更加好！至於杯熱華田，好奇怪，唔知點解？我覺得有陣蕃薯味！
細妹兜炒雜菜嚟先，佢分咗啲俾我，爽脆亦好味！至於雞翼我就冇食到，但細妹覺得都唔錯！
差唔多埋單時，見到牆身貼有禁止一份餐兩個人食，否則收$50座位費，感覺麻麻地！我見佢哋個Summer Dinner Set款款係雙拼，本來我真係有諗過叫一份同細妹share,好彩冇，否則俾佢哋額外收費就唔抵！
我哋食到晚上十點幾埋單，當時仲有人啱啱入座。可能個通粉實在太full, 食哂一份餐嘅結果係我飽咗足足成晚，直到第二朝，感覺個胃都仲頂住，有啲辛苦！
芝士忌廉焗龍脷柳長通粉、南瓜湯、熱華田
$58
114 瀏覽
0 讚好
0 留言
張貼
