飼說 (已結業)

最近係 facebook 見到朋友係飼說打咭，搞到自己都好想打埋一份，於是揀左今晚去。位於銅鑼灣既餐廳都頗有氣氛，被安排到一個位置坐。不過一坐下已經比旁邊既坐位吸引，旁邊既坐位自成一角，枱面放有舊式打字機，甚有特色。估唔到過左一陣該坐位既客人就埋單，終於一嘗到秘位既滋味。餐牌食物唔算好多，但就有好多特色飲品。手工麵包，沙律配柚子汁，意式蔬菜湯手工麵包熱辣辣，拿起要小心，食落十分鬆軟，記得襯熱食。食既時候我就鐘意配埋意式蔬菜湯一齊食，蔬菜湯並非一般流質既湯，而係整到較為傑身既形態，入口感覺味道更香濃。黑豚肉泡菜雜菌醬汁飯驟眼睇好有煲仔飯既感覺，深啡色既飯加上黑豚肉，係煲仔飯既格局，當然眼前呢個飯靚太多。黑豚肉有嚼勁，但唔韌。飯入口黏黏的，但飯質比煲仔飯軟身，味道濃。仲有少量既泡菜做點綴，令味道豐富，又唔會太辣。Oreo 冰山Oreo 朱古力都幾大杯，一個人飲都幾飽，有好香朱古力味，又唔會太甜，碎冰夠細，入口舒服，當然唔少得Oreo餅。難得第一次嚟就咁好彩坐到秘位，當然唔可以食完就走咁浪費，點都要留多一陣影下相先。