餃子縣餃子專門店 (已結業)

星期五晚去左旺角登打士街附近掃街, 行到去好景中心斜對面有間~餃子縣餃子專門店~      推廣''皇牌芝味四重奏''幾特別，就入左去試試....主打''皇牌芝味四重奏'' 有4種口味，我地叫左個芝味樂園 ($55/8隻), 一次過試晒4款。。4款口味各有特色, 個人最鍾意黑松露芝士餃及蕃茄芝士餃。黑松露味道突出,配合流心芝士,令人有種幸福既感覺。蕃茄味道清新，同芝士十分配合。今次叫左清湯湯餃, 想試清楚各款芝士餃。下次可以試下冰花煎餃, 見到隔離枱食煎餃食得津津有味。滷水拼盤滷水雞翼十分入味,又唔會太咸。牛展亦非常腍滑雞絲粉皮 (小辣)，小辣既青瓜及雞絲配合沾上麻醬粉皮, 食到停唔到口。自家樽裝凍奶茶，奶茶茶味突出, 唔會太甜，好飲!話梅雪碧，酸酸甜甜的味道, 飲完又可以去繼續掃街了！