影片
更多
2017-08-07
207 瀏覽
近年都有唔少餃子店跑出, 我比較少食餃子, 總覺得出面食既餃子饀會加好多其他人工調味料。今次係佐敦經過就試下呢間餃子店~ 餃子館雖然地方唔大, 但兩旁既中國風裝潢幾有feel~ 掛於牆身既竹牌子刻着唔同既菜式, 同埋調味料都係以白色瓷器盛載, 好似去左古代既小茶樓咁 餐牌一大張, 食物一目了然, 簡單直接。有主打既招牌餃子, 冷盤同埋右邊既麵類, 大部份幾經濟, 小食仲有細同大份分, 細分十幾廿蚊已經有! 餃子雙併 蕃茄炒蛋同素三鮮餃子每碗十隻, 加五蚊可以轉雙併, 我呢啲想試兩款就揀左少見既蕃茄炒蛋同埋素三鮮。如果覺得單調可以加5 蚊揀湯底或者轉煎餃, 所以配搭都好廣!素三鮮係由菜仔 甘荀同埋木耳而成, 同想像中既有啲分別, 以為係絲狀會食到一條條好爽口果種感覺, 但原來係切到變哂碎再混合, 所以口感較糊狀, 味道則以菜味最明顯, 但個人較喜愛條狀令木耳等等既爽脆感得以保存反而蕃茄炒蛋令我感到驚喜!!!本身蕃茄炒蛋係個普通但開胃既住家餸, 估唔到可以將佢融入餃子內!!!! 味道好天然, 好似連鹽都無咩落咁, 但完全唔覺得過淡, 反而蛋味因為跑出~ 以薄薄既餃子皮包住, 感覺好新鮮呀~
餃子館雖然地方唔大, 但兩旁既中國風裝潢幾有feel~ 掛於牆身既竹牌子刻着唔同既菜式, 同埋調味料都係以白色瓷器盛載, 好似去左古代既小茶樓咁
餐牌一大張, 食物一目了然, 簡單直接。
有主打既招牌餃子, 冷盤同埋右邊既麵類, 大部份幾經濟, 小食仲有細同大份分, 細分十幾廿蚊已經有!
餃子雙併 蕃茄炒蛋同素三鮮
餃子每碗十隻, 加五蚊可以轉雙併, 我呢啲想試兩款就揀左少見既蕃茄炒蛋同埋素三鮮。如果覺得單調可以加5 蚊揀湯底或者轉煎餃, 所以配搭都好廣!
素三鮮係由菜仔 甘荀同埋木耳而成, 同想像中既有啲分別, 以為係絲狀會食到一條條好爽口果種感覺, 但原來係切到變哂碎再混合, 所以口感較糊狀, 味道則以菜味最明顯, 但個人較喜愛條狀令木耳等等既爽脆感得以保存
反而蕃茄炒蛋令我感到驚喜!!!
本身蕃茄炒蛋係個普通但開胃既住家餸, 估唔到可以將佢融入餃子內!!!! 味道好天然, 好似連鹽都無咩落咁, 但完全唔覺得過淡, 反而蛋味因為跑出~ 以薄薄既餃子皮包住, 感覺好新鮮呀~~蕃茄唔會炒到爛哂, 食好多隻都唔覺漏!!!推介!!
醉雞 $58
食肉獸的我係前菜中就揀左最愛既雞喇!!
以呢個價錢計, 雞肉份量好多, 係整隻雞肶切左件, 大大件, 酒味香濃, 但油左D, 好彩雞肉夠滑身, 而且唔會枚
底部有數粒青瓜墊底~~~
麻醬冷面 配 牛展 $48
熱辣辣既天氣令人想食冷麵, 呢個估唔到有驚喜呀!!!!!
首先碗麻醬係超級大碗, 完全唔驚唔夠撈, 醬怪表示好興奮, 而且咁大碗但竟然仲好杰身, 唔會因為大碗就溝稀哂, 味道濃郁, 好似食緊花生醬咁, 面仲有D芝麻增添添香味。
鋪面既有紅椒 青椒 洋蔥 甘荀 同埋青瓜條, 色彩繽紛令人未食已經胃口大增, 而肉有得揀雞絲或者牛展, 少吃牛的我因為已經食左醉雞, 所以就揀左牛展
本身麵條具彈性好有咬口, 第一啖就咁食試左個質感先, 之後倒左啲麻醬後就好似施左魔法咁, 成個麵即刻昇華左!!!!! 係食唔停口, 哈哈, 但原來碗麵份量好多, 就算兩人分都夠食!!
張貼
