餃掂手工餃子雲吞專門店

黎過食幾次，間唔中想食餃子都會黎番哩度，真係好食！至尊松茸豬肉餃 $72係哩間店既招牌餃子，亦係次次黎都會食。會跟一碗狀元九鼎湯。餃子皮彈牙，多料，松茸係一種菇菌，好香，點埋特製松茸醬更香。湯係無味精，淡淡地好飲。將餃子擺落湯，吸埋湯既精華，好味。龍鳳松茸灼餃 $86第一次食哩款口味，分別係指黑松露同白松露，唔洗點醋都夠晒香味，高級版餃子。每人食左8隻餃子仲係意猶未盡，我地叫多碟韭菜煎餃食。煎餃香口，仲好多汁，好食！上湯松茸時蔬 $32叫左碟菜食，好林。山楂雪梨水 $20店家自家製飲品，酸酸地，冇糖，健康之選。