木金餃子製作所 (已結業)

中午時分人在官塘突然想食餃子，上openrice 搜查發現木金在附近。睇相看到橙黃色南瓜湯配自家製餃子，好吸引決定一試。店舖細細只有幾張細枱，疫情關係放埋膠圍板肥胖點都會撞到手肘。餐牌有多款餃子任你選擇，當然價錢唔同啦。我叫了翡翠白菜豚肉水餃和臭臭香荽豚肉水餃配南瓜濃湯底。本人較喜歡加了芫荽的餃子，啖啖香味。水餃一碗有4隻。可加$12烏冬。以為齋叫餃子唔夠飽，你錯了。每隻餃子都好大隻，飲埋個濃度適中的南瓜湯，飽晒。南瓜湯是用金色特色茶壺盛載，打卡必選。補$14叫了個白桃烏龍冷泡茶，好香白桃味。齋沖泡一次太浪費了，所以我成樽帶走回家再沖。