八方雲集鍋貼水餃專門店

營業中

休息中

餃子，全部都係餃子我其實係一個餃子控，真係勁鍾意食餃子！所以我對於煎餃都有一定嘅要求。今日係實習嘅第二日，但係食飯嘅時候落大雨，所以我同我朋友求其揀咗間小人嘅舖頭入去食，首先講一講環境，我唔係好鍾意八方雲集嘅其中一個原因係因為佢所有嘢都油淋淋，不過呢一間野衛生做得幾好，都冇小昆蟲，環境方面值得一讚。今日我嗌左價值$40嘅煎餃拼台灣麵線套餐，仲送一杯豆漿，非常之抵食。餃子方面就不過不失，冇煎燶亦都冇煎得唔脆，至於佢嘅台灣麵線，我覺得細碗咗少少，畢竟我都幾鍾意食呢呢啲嘢，佢裏面亦都有好多配料，例如話係豬腸、麵線、等等。其實都幾飽下。