餃掂手工餃子雲吞專門店

間唔中都會想食下餃子，平平地又多選擇，今日嚟到喺港島好多分店嘅餃掂。地方都幾大，同埋都有外國人嚟食，係quick lunch 嘅好選擇👏🏻😋今次叫左韭菜豬肉餃&芫茜豬肉餃，兩款都係重口味之選。豬肉汁鮮甜，加埋芫茜提升左左成粒餃既香味😝😝而煎韭菜豬肉餃真係最好食，陣香味真係離好遠都聞到，韭菜同豬肉嘅比例啱啱好，一齊食真係好夾😂😂🥟每一隻都煎到金黃色，外皮脆卜卜!!仲有試埋龍凰松茸餃(跟狀元九鼎湯)一行係白松露一行係黑松露，黑松露味道濃郁，食落好香，而白松露嘅香味就冇咁突出。可以先試左白松露味先，再試黑松露味。2款松露都好矜貴，但一樣俾足料，真正皮薄餡靚。配埋狀元九鼎湯，有淡淡嘅魚同粉葛味，更加滋補👍🏻👍🏻🍜四川涼皮涼皮煙煙韌韌，加入左蔥花、辣椒粒、花生粒更加惹味，唔算好辣，加埋青瓜絲更加爽口。🍹自家制山楂雪梨水微酸口味，飲落好解渴又開胃。店舖自家醃蘿蔔，味道酸酸，食左咁多隻餃子解下膩😋😋