餓媽家姐 (已搬遷) 新店位置

哩個時代，任何一間食店都一定要有自己嘅賣點，對於我來講，餓媽家姐就有兩個特點。 🍖 第一個，可能連佢地自己都唔知，就係有黑色同粉紅色配搭。當佢地叫緊粉紅色火龍果醬做Barbie pink, 我自己已經對號入座將黑色既漢堡包同哩個超搶眼嘅粉紅色醬汁，叫左做Blackpink. 對於我地啲死忠blinks黎講，就係一個應該朝聖的地方。 🍖第二個就係佢嘅食物好多元化，本來只係一間小食店，睇返餐牌，起碼有五六十樣野。而且種類亦都好唔同，有漢堡包，腸粉，沙律，炸物，遲啲仲有埋烏冬嗰啲。但係佢控制食材質素真係唔差，我所食既牛肉漢堡，就已經只係六款牛肉配搭嘅其中之一。漢堡扒保持鮮嫩，但又唔會散，咬落去仲有肉汁。而且我選擇配搭咗菠蘿，塊菠蘿勁juicy，又好甜，配合埋新鮮嘅生菜，蕃茄同青瓜片， 好 Refreshing。 🍖平時食漢堡包，一般都係配薯條，自選左炸雞，你都一樣喺咁夾，而且炸雞同漢堡包嘅顏色加埋一齊真係好豐富，亦都係影相呃like既一個好選擇。 🍺✨️小小商店，小小廚房，竟然可以做到千變萬化，而且高質水準，唔怪得知我喺度等嘅期間，已經有五六組人黎買。以後午餐應該都會好經常來幫襯呢度。