養心殿台式養生鍋 (已結業)

近期身邊好多朋友都推介我食養心殿，大部分人都話佢地個湯底係一流，足料到癲。今日放學後冇咩野做，同朋友黎左馬鞍山分店食，一坐底見到餐牌已經有好多好吸引既湯底，而作為雞湯怪既我，就嗌左佢個美人鍋湯底，主要係比個原隻烏雞吸引左。果然一黎到個湯底真係不得了，睇圖都見到，足料到一個點，襯未落野就即刻試啖佢個雞湯，鮮度十足，加埋南棗，杞子，金華火腿係個湯底入面，更加吊到烏雞味出黎，淨係飲湯都超滿足！配料方面，因為同朋友都唔算太肚餓既關係，只係叫左羊肉同響鈴，響鈴即叫即炸，完全冇油益味，放落個咁足料既湯底到，一個字，正！同時間羊肉都非常新鮮，食落唔會太膻，又唔會比個湯底搶走Ｄ羊味，整體黎講十分高質。