影片
更多
2022-06-05
10 瀏覽
之前朋友帶我食鐵板燒，今次到我帶佢食，傻人以為我叫一個餐就算，我點會咁對朋友呢，鐵板燒食到舔舔脷，捧着大肚皮滿足地走坐低咗店員就裝咗啲茶俾我哋，佢並唔係普通嘅水，而係花旗蔘茶，而且仲不是幫我哋添，服務唔錯分別叫左18層海膽杯omakase 同火焰海膽甲羅燒 $1388/$88818層海膽杯omakase ·小砵：海膽蟹肉豆腐配青汁海膽同蟹肉份量真係唔少，紫海膽同蟹肉都好甜·沙律：沙角/雜菜沙律沙角爽口之如有柚子味，幾清新雜菜沙律特別之處係小辣，師傅話係自己溝出嚟嘅地獄汁招牌菜：18層海膽杯入面除咗4層紫海膽，仲有燒白飯魚脆片，黑魚子，帆立貝,明太子沙律，牡丹蝦，海膽魷魚，磯煮鮑魚，北歐花膠，藍鯨吞拿魚拖羅蓉，北海道粒貝，三文魚子，北海道松葉蟹肉，鮮海帶碎有個傻人真係諗住搵晒咁多樣嘢出嚟，一杯嘢咁多配料真係好滿足，最緊要海膽真係好甜👍火焰海膽甲羅燒佢嚟到嘅時候等我準備好相機，就開始用火機燒張紙，燒晒之後你就會見到重頭戲蟹蓋，滿到瀉既蟹肉蟹膏三文魚子海膽，已經忍唔住即刻撈埋一齊食，勁過分嘅係佢真係好足料同堅好食😋海鮮：活龍蝦 +$150升級原隻龍蝦🦞望住佢係個鐵板生猛到郁，龍蝦分咗兩味，
坐低咗店員就裝咗啲茶俾我哋，佢並唔係普通嘅水，而係花旗蔘茶，而且仲不是幫我哋添，服務唔錯
分別叫左18層海膽杯omakase 同火焰海膽甲羅燒 $1388/$888
18層海膽杯omakase
·小砵：海膽蟹肉豆腐配青汁
海膽同蟹肉份量真係唔少，紫海膽同蟹肉都好甜
·沙律：沙角/雜菜沙律
沙角爽口之如有柚子味，幾清新
雜菜沙律特別之處係小辣，師傅話係自己溝出嚟嘅地獄汁
招牌菜：18層海膽杯
入面除咗4層紫海膽，仲有燒白飯魚脆片，黑魚子，帆立貝,明太子沙律，牡丹蝦，海膽魷魚，磯煮鮑魚，北歐花膠，藍鯨吞拿魚拖羅蓉，北海道粒貝，三文魚子，北海道松葉蟹肉，鮮海帶碎
有個傻人真係諗住搵晒咁多樣嘢出嚟，一杯嘢咁多配料真係好滿足，最緊要海膽真係好甜👍
火焰海膽甲羅燒
佢嚟到嘅時候等我準備好相機，就開始用火機燒張紙，燒晒之後你就會見到重頭戲蟹蓋，滿到瀉既蟹肉蟹膏三文魚子海膽，已經忍唔住即刻撈埋一齊食，勁過分嘅係佢真係好足料同堅好食😋
海鮮：
活龍蝦 +$150升級原隻龍蝦🦞
望住佢係個鐵板生猛到郁，龍蝦分咗兩味，其中一邊就係用龍蝦嘅膏炒出黎既蝦膏龍蝦❤️🔥
另一邊就係用芝士同埋秘製海膽醬燒成嘅焗龍蝦
我比較鍾意食蝦膏炒出黎嘅，但係其實芝士龍蝦都好好食，因為有超級足料嘅芝士
鮑魚
鮑魚切咗薄片，食落去都幾爽口，個人比較鍾意點去旁邊嘅汁，而朋友就比較鍾意食去原汁原味，所以就咁食同點汁都好好食😋
鰻魚
本身都鍾意食鰻魚但係呢個更加令我喜出望外，外皮好脆之如底部嘅魚好滑，仲有滿滿嘅鰻魚汁令我以後食鰻魚又更加挑剔了
賴尿蝦轉象拔蚌
師傅做咗二食
蚌炒完好爽口好鮮味兼且爽口
象膽相對於實身，但味道更加香口
兩樣都咁鍾意食😋😋
師傅你俾嘅份量會唔會太多 對我地太好了
肉類：岩手縣A5威士忌厚燒
師傅講解呢款A5和牛係飲威士忌大，令到牛嘅油脂更加濃郁
食落去好似喺個口度爆漿咁，嫩口又好好食
鐵板肉類
師傅見我哋兩個女仔驚我哋食唔到太多肉，就轉咗鵝肝俾我哋
一嚟到嘅時候朋友表示黑色一粒粒好似珍珠，但其實佢係醃製咗嘅梨上面似黑加侖子味嘅爆珠
就咁食鵝肝好食，將呢三樣加埋一齊食超好食
食事：
蘭王蛋黑松露炒飯
燒野菜
當你以為佢係好普通嘅雜菜點知真係會有驚喜，分別有南瓜，燒茄子同埋甜薯夾咗棉花糖，誠意滿分💯
吸物：
特色紙包花膠蜆湯
開頭見佢用個袋就咁放喺鐵板上面即刻有人問唔會溶嘅咩，師傅話呢個係特製袋，所以用鐵板煮滾咗就上碟拎俾我哋飲
入面真係好足料，而且個湯好好飲，好飽都堅持飲晒成碗的我
甜品🍮
飲緊湯師傅就問我哋仲食唔食得落甜品，話晒甜品係女人第二個胃，然後就見佢開始喺度整緊麵包一見到我就知佢係整焦糖多士，我已經忍唔住同朋友講就算我再飽我都要食，到底我有幾鍾意食麵包
真係超級好食嘅焦糖多士，多多我都食得落
食完之後問我哋仲食唔食甜品，師傅真係太好了
又為我哋準備咗蛋糕同埋綠茶蕨餅
全晚睇住師傅好難受咁樣整鐵板菜式俾我哋食就好似睇緊表演，仲要所有嘢食都好好食，成晚真係超值
張貼
