Mini Friday (銅鑼灣廣場二期) (已結業)

幾年前成日去觀塘店，今次試吓銅鑼灣店，面積比觀塘細，好彩有book位，依家改咗用QRcode自助落單餐前小食，同觀塘店一樣都係薄脆配千島醬大蝦配香草牛柳 $278牛柳揀咗五成熟丶汁另上，熟成度控制恰當，牛柳嫩滑易咀嚼，配菜都唔差，有蘆筍丶薯蓉丶加咗芝士碎&微微烤過嘅蕃茄，只係大蝦比預期細隻咗啲啲。白咖哩豬扒定食 $178見到有清酒煮蜆而吸引到我，白咖哩好味，豬扒份量比預期多，夠軟腍，蒜蓉炒雜菜好夠蒜味，白飯大大碗，整體唔錯。