Mimila (已結業)

係首都的餐廳選擇唔多，全部都係連鎖店，好彩仲有呢間可以選擇，不過記住要拎定飛先，如果唔係可能都要等20-30分鐘。呢間餐廳麵的份量比較岩女仔食，如果係男仔的話，可能要叫多一樣小食先會夠飽。1.喇沙撈麵配手絲雞見到呢個配搭覺得好得意，手絲雞份量足夠，不過喇沙汁原來撈麵味道偏咸，都係配湯好似夾D。2.喇沙湯配美國牛肉摻摻喇沙湯底唔算好辣，係正常食到的叻沙味，如果有多小小椰香味會更好。美國牛肉即係普通的肥牛，味道正正常常。3.美綠恐龍可可估唔到呢到有熱的美綠恐龍可可 (平時得凍飲)，即刻叫左一杯，濃濃的美綠，唔太甜，可以一試!!