新翠華茶餐廳 (已結業)

每次經過都聞到好香煲仔飯味，早前終於幫襯。由於好肚餓，又知煲仔飯要等好耐，所以只係ORDER一個臘腸田雞煲仔飯，另點一個小菜 (西蘭花炒雞柳，連白飯)。西蘭花炒雞柳好有鑊氣，雖然只係家常小菜，但相信很難係屋企煮到咁好。然後... 連個小菜都食哂... 再等咗好耐... 終於等到個煲仔飯上桌。田雞OK，臘腸唔錯，食得出唔係D CHEAP臘腸 (有時好怕D古怪鮮紅色的臘腸，又難食，又唔知食完會唔會生CANCER)，而且仲有香脆飯焦。不枉我地等咁耐... 但肚餓的話都係叫小菜穩陣。