S2 鐵板燒 (已結業)

日式鐵板燒可以話係香港食日本嘢最好嘅選擇。幾新鮮嘅食材始終有時難敵香港又熱又潮濕嘅天氣，熟食嘅安心不其然為美食自動加分。一班老饕選定位處佐敦嘅分店又有多間知名日本科理經驗嘅 S2 大快朵頤，走入店內已經聞到鐵板燒必定有嘅乃陣陣牛油香氣，萬分吸引。幾條為食友叫咗四個餐分來食，正餐前先食沙律前菜。鴨胸沙律煙燻味嘅鴨胸成為引入味味香口嘅鐵板燒最佳前菜，三味刺身中嘅大蝦 刺身又大又新鮮。入直路開始食主菜！蟹鉗牛脷蟹鉗滲入鐵板燒強烈嘅牛油香，又香又甜真係想食埋人哋隻。西京醬銀鱈魚，西京醬味道带住較重嘅甜麵豉醬味，夠特色，香煎亦不減魚肉嫩滑。黑松露帆立貝非常鮮甜香口。脆皮鰻果然係招牌菜，香脆味道有別一般日式鰻魚 ，入口有少少似食炸魚皮但日式鰻魚味道又完全保留，別樹一幟非常特色。以鐵板燒方式煮羊架如果話唔好食嘅應該只有怕羊騷味，唔食羊肉朋友。原隻毛蟹賣相冇得頂，毛蟹肉香味甜，肉質結實。 十勝豚肉豬肉香味一流，微甜日式醬料更加帶出豬肉香。海膽醬芝士焗龍蝦，龍蝦肉結實彈牙，我真係舐乾淨個龍蝦殼上面嘅海膽芝士醬。薄煎牛扒與入面嘅蘆筍索曬牛油絕對係鐵版燒菜一絕，未放入口，其實香味已經係一個愛上嘅理由。主菜過