影片
更多
2017-03-31
5040 瀏覽
為食友推介觀塘工廈的太爺雞, 聲稱款式多樣, 味道也不錯, 於是今晚來個即興, 約了女友人一齊來證實一吓。酒樓格局, 座位比酒樓寬廣。食物款式真的多到不得了, 雞也有六款之多, 鑊氣小炒多的是, 還有海鮮, 燉湯………還有我摯愛的梅菜扣肉, 可惜今晚只得兩個女仕, 應該沒法吃得下一煲梅菜扣肉吧, 放棄。另外還一個鮑參翅肚餐牌, 賣相看似不錯，價錢也實惠, 值得試。二十頭鮑魚海參扣鴨掌 ($128/位)上檯大方得體, 頗有睇頭。鮑魚爽彈, 鮑味算不錯。可能係海參厚度不足, 口感偏向腍滑, 沒有厚海參般爽口彈牙, 味道也不錯, 鮑汁略嫌不夠濃厚, 可以加點雲南火腿增味會更正, 以$128來計, 沒投訴了。川芎百芷燉魚頭 ($48/盅)女人唔補好易老, 我倆今晚都要補一補, 見隔離枱燉盅不細, 湯份量也不少, 故只叫了一盅跟友人開心 share。十分足料的燉湯, 材料最少有半個魚頭, 還瘦肉及大量川芎白芷, 湯頭藥材味頗重, 魚頭骨也被燉得化了, 足證火喉十足, $48可以飲到兩碗份量的足料老火燉湯, 極抵飲!! 太爺雞 ($85/半隻)此行目的主菜.....太爺雞, 相傳太爺雞始於清末,
酒樓格局, 座位比酒樓寬廣。
食物款式真的多到不得了, 雞也有六款之多, 鑊氣小炒多的是, 還有海鮮, 燉湯………
還有我摯愛的梅菜扣肉, 可惜今晚只得兩個女仕, 應該沒法吃得下一煲梅菜扣肉吧, 放棄。
另外還一個鮑參翅肚餐牌, 賣相看似不錯，價錢也實惠, 值得試。
二十頭鮑魚海參扣鴨掌 ($128/位)上檯大方得體, 頗有睇頭。
鮑魚爽彈, 鮑味算不錯。
可能係海參厚度不足, 口感偏向腍滑, 沒有厚海參般爽口彈牙, 味道也不錯, 鮑汁略嫌不夠濃厚, 可以加點雲南火腿增味會更正, 以$128來計, 沒投訴了。
川芎百芷燉魚頭 ($48/盅)女人唔補好易老, 我倆今晚都要補一補, 見隔離枱燉盅不細, 湯份量也不少, 故只叫了一盅跟友人開心 share。
十分足料的燉湯, 材料最少有半個魚頭, 還瘦肉及大量川芎白芷, 湯頭藥材味頗重, 魚頭骨也被燉得化了, 足證火喉十足, $48可以飲到兩碗份量的足料老火燉湯, 極抵飲!!
太爺雞 ($85/半隻)此行目的主菜.....太爺雞, 相傳太爺雞始於清末, 由於工序繁多, 沒有太多食店願意花時間來做這個菜, 當然是非食不可吧。
太爺雞上枱己聞到陣陣的煙熏香氣, 太爺雞的傳統做法是先把原隻雞浸滷水汁至入味, 風乾後再煙熏至全熟, 上枱前淋上鹵水甜豉油, 雞肉非常嫩滑入味, 附帶煙熏香氣, 味道清香, 鹵水豉油甜甜地, 令雞件香甜滑口, 哈哈……半隻雞一件不留, 好食
題外話, 睇番張單原來無收荼芥及加一, 唔知係全免定收少左呢? $195 有鮑魚海參, 太爺雞, 又有燉湯飲, 真係覺得好抵!!
張貼
