夏雪 (已結業)

大概8:00左右到，平日晚上人不多，店內計埋我地只有3台客，可能時間尚早吧呢間店幾年前已食過，當時已經好鐘意，但因太大碟，所以好多時食完飯都食唔落，就沒再食今晚的晚餐比較輕盈，肚仔仲有好多位，就黎左食啦～～～綠茶窩夫，好正呀！未食已聞到好香好香，切落去已覺得好鬆化，夾餅入面仲有綠茶餡，一點都唔漏；綠茶雪糕甜度剛剛好，配上碟邊的紅豆和白玉，仲有綠茶啫喱和兩片柑？橙？，口感好豐富！細食的我，食下食下竟然食哂！男朋友食伯爵茶窩夫，佢仲犀利，極速食哂，我試左幾啖，茶味很香，令人忍不住一口接一口！很滿足的甜品，我地兩個都捧住個肚走。不過真係要肚仔有位先好黎食，因為真的很飽肚。