怒茶巷 (已結業)

有一段時間冇嚟葵涌廣場行街食嘢，難得今日約到朋友過嚟葵芳，所以決定掃街做午餐！食咗少少嘢之後大家都開始口渴，見到怒茶巷價錢較坊間平而且選擇都幾多就同朋友每人買咗杯飲品！黑糖珍珠鮮奶味（微糖/少冰）$25：朋友話珍珠幾好食，叫我試咗兩啖！珍珠的確煙韌而且軟硬適中，唔會太硬亦唔會太淋，食得出黑糖微微焦香嘅味道！牛奶方面亦都真係用上濃稠鮮奶而唔係奶精！平時外面飲開都係30蚊以上，呢個價錢絕對抵飲！！芝士三重朱古力（少糖/少冰）$32：芝士奶蓋微咸，質感厚實香氣十足！濃郁可可味質感幼滑順口又唔會太甜而且唔會覺得膩，雖然飲落幾飽肚但咸甜交集層次豐富，會不知不覺成杯飲曬😉