古早牛肉麵 (已結業)

係深水埗呢間古早牛肉麵，睇個名都知係食台灣野，另外仲有好多款台式特飲可以揀。價錢唔算貴，性價比都幾高😋 1⃣️招牌紅燒牛肉麵（$60）選擇都幾自由，可以揀要牛骨湯麵、湯米、肉燥便當、或者乾拌麵。今次我就揀左要牛骨湯麵。湯底飲落幾濃郁，麵算有咬口但係可以更好，麵既份量偏少，但係牛肉份量都幾多，而且每一舊都幾大舊，食落係有啲嚼勁既口感，個人會鍾意煮得淋翻啲，但係呢個都唔錯。另外蘿蔔好清甜冇渣。  午餐仲有包一杯飲品，有得揀台式奶茶添🤤成餐食落都滿足。