Mad for Garlic (已結業)

呢間野成日見到都想試，見幾靚又唔係好貴。今次終於搵到愛人陪我食。我揀左我最鐘意既忌廉汁煮藍青口、蒜香忌廉蟹肉龍蝦肉意粉、蒜香石斑帶子同埋意大利芝士餅。青口好好肉，又鮮甜。我最鐘意個汁，點法包一流。食到唔夠法包。意粉我都幾喜歡，因為我好鐘意佢個蟹肉，好鮮甜，意粉又好掛汁。石斑帶子亦都出色，帶子大大粒，煎得好香好正。魚又唔會好鞋好乾。不過我覺得最最最好食係tiramisu,第一次咁樣食tiramisu，餐廳將咖啡同酒分開，點黎食好得意，甜而不膩，濃濃既芝士味。好有創意。總括黎講不枉我期待左咁耐去食呢間餐廳，我覺得係好好食，好有驚喜！