松記糖水店 (已搬遷) 新店位置

尋晚(5-1-09 Mon)男友o黎我屋企食飯,我叫佢買啲甜品返o黎食,而上次爸爸食o左o係甜品哥X買o既榴槤甘露後,有啲肚痾,可能唔受得凍o野o掛,所以今次穩陣啲叫佢o係呢o度買傳統合桃糊畀爸爸.咁我大嫂同大哥都唔食榴槤,於是我叫男友買木槺咖啡布甸同芒果布甸畀佢o地食,而我o地依然食甜品哥Xo既榴槤甘露.佢買齊o黎同食完飯後就開始食喇.貪心o既我,先試吓爸爸o既合桃糊,味道幾濃,好過我11月底買畀媽媽食o既花生糊.而芒果布甸落o左好多淡奶,我又試少少,芒果味又好香濃,布甸滑,唔錯啊.