Favilla Cafe (已結業)

隨著越來越多既公司進駐鰂魚涌，在這區食一個午飯都實在唔容易，但係有時忙還忙，都想食番個好味，relax一點既lunch獎勵一下自己辛勞既工作，今日就俾我搵到呢間西式小店😍 餐廳細細，座位唔多，但係價錢唔算特別便宜，亦唔係來去匆匆既快餐，所以人流唔算非常多，最少我今日去到既時候唔駛等位😝🍽和式All Day Breakfast $118All Day Breakfast平時都食唔少，亦係其中一款我最喜歡既食物，貪佢選擇夠多，超級滿足，而呢度既All Day Breakfast更進一步，係All Day Breakfast之中再細分三款，「和式」，「洋式」，「素食」，各式其式，今次我試佐「和式」，佢有蒲燒鰻魚，味噌炒蛋，連骨香腸，田園沙律，同埋牛油吐司，份量好大份，其中蒲燒鰻魚做得好好，唔會太甜，鰻魚係厚身有肉地既，食完成份「breakfast」真係滿足到癲呀！😋🍽跟餐可以用半價在drink menu上隨便揀（except Bless Juice)，點佐Matcha Latte (+23)，勁大杯，抺茶味仲要厚厚的，超濃，正呀😘