波仔

營業中

休息中

🏃‍♂️💨成日早餐都好趕時間唔得閒食，買波仔就快靚正。今日經開地鐵站，見到真係有好多唔同款，可以換住嚟食唔同嘅早餐。🍛冬菇滑雞蒸飯之前冇見過呢個蒸飯，睇配料真係幾健康，有菜又有肉。雞肉幾滑，冬菇帶少少香氣，飯嘅質感唔會太乾，整體嚟講方便快捷，夠飽肚。雖然味道唔算好重，但作為即食飯，絕對係一個唔錯嘅選擇，特別係趕時間嘅時候。🥣花生眉豆燉雞腳湯呢個湯有淡淡嘅花生同眉豆香味，雞腳嘅膠質都幾豐富，湯底唔會太油，飲完有種暖笠笠嘅感覺。🍞花生醬西多土建議用氣炸鍋。呢款西多土有陣濃郁嘅花生醬味，幾適合做早餐或者下午茶。甜度唔會過火，適合鍾意花生醬嘅朋友。🍱和風牛肉飯牛肉片份量唔算多，但醬汁調得幾好，有啲日式風味，唔會過鹹，配飯食落幾惹味。