辣湘湘 小炒湖南菜

營業中

休息中

見到you tube 介紹呢間食店，就想試下， 昨晚就同三位朋友去食， 七點到門口已好多人排隊， 可能星期六， 要等十幾張枱， 要齊人先入得。等左35分鐘就入座。啲服務超級好， 係咁忙嘅環境， 經理長期保持笑容， 禮貌， 專業。係呢十幾年已很少見到（因食客嘅質素太差）。旁邊有兩個西客又因入座問題同經理投訴， 經理都笑容可躬。我眼見經理都忙到不得了，仲要有呢啲西客依依哦哦真係慘。我地叫左酸菜魚， 辣椒炒肉， 脆腳手， 猪油粉， 萵荀腊肉， 每樣都好好味， 我呢排成日返深圳食， 因覺得佢哋啲嘢食水準好高， 但呢間一啲都唔輸，而且價錢又不太貴。唔駛咁辛苦過有關去食，仲有檸檬茶，好似 有成一公升咁多， 同國內丘大叔嘅味道相若。但記得一定要試佢哋嘅東北米飯，我地叫了一碗$10， 真係好好味，我地再叫一煲有4碗份量， 都係$30 , 一向不鍾意食飯嘅我， 食左碗半飯 。我地食完之後個個都都帶 屋企人黎食。 希望啲食物水準仍keep 到， 靚仔經理仍然係度。啲人話香港飲食業冇得做， 呢間係一個好成功例子， 食物質素高， 服務好， 價錢合理。臨走仲買左4包東北米$29 1 kg