Youniqueed (已結業)

難得有me time，獨行俠自己出尖沙咀周圍遊蕩，去到加連威老道，隨意進入一間cafe，就揀選咗呢間Youniqueed。餐廳內環境寧靜，適合獨行俠慢慢嘆番杯咖啡。雖然係小店，但佢嘅食物選擇都唔少。當然仲睇得出佢哋嘅咖啡有幾專業。我選擇咗坐吧枱，可以欣賞店員用心拉花嘅過程，睇得出佢對咖啡甚有要求。難得的me time，當然要叫返一份All Day Breakfast配番杯Cappuccino嘆番吓。All Day Breakfast選料上乘而豐富，有法式多士、紐倫堡腸、煙肉、漢堡扒、烤蕃茄、蘑菇炒蛋、牛油粟米同沙律菜。全部食材都經過製作，絕不是罐頭直接上碟嘅貨色。我尤其欣賞佢法式多士，非常香脆，簡單如一塊多士亦都帶出精粹所在。 Cappuccino拉花甚有美感，奶泡香滑，咖啡香濃，我就相當欣賞。