Sogno Gelato (已結業)

睇報紙先知道有呢間雪糕店， 特意去食， 當晚排咗五六個人， 三個人試咗六種口味， 一致認為真材實料， 我食牛油果同咖啡， 牛油果有好濃牛油果味， 好正， 咖啡就比較大路， 有咖啡味 同其他雪糕店差不多， 真係唔甘心自己買咗個咁普通嘅味， 小朋友試咗檸檬雪芭 同蜜桃雪葩， 都話好濃果味， 仲特別推介蜜桃雪葩， very good， 仲有個小朋友 試咗薑汁撞奶， 佢話好好味， 亦都極力推介， 真材實料。 雪糕筒記得要朱古力味 ， 個筒係有朱古力味 ， 唔係有一嚿朱古力嘅朱古力味 。順帶一提， 咁忙店員都畀我哋試 指天椒味 同 wasabi 味， 個人覺得 指天椒味好刺激 可以淺嚐， wasabi 味 係咸嘅， 自己唔係咁鍾意。 順帶一提， 雪糕店只收現金， 沒有收據， 如果可以收八達通 及發收據， 咁就可以得閒開車過嚟食啦。 味道可以 媲美大牌子雪糕店， 所以價錢應該以帶牌子雪糕點參考， 一分錢一分貨， 況且係香港人嘅雪糕店