鮨政 (已結業)

好耐無食壽司，今日等埋老公放工係香港仔食埋lunch 先番屋企，鮨政既質素係香港仔黎講算唔錯，好多時都有人排隊。Lunch 都有好多set 選擇，而且份量好多，我地叫左一個壽司set 同天婦羅加刺身set，佢每個set 都有沙律，茶碗蒸。兩個set 都仲有個烏冬非常豐富，壽司每件都好新鮮，帶子好甜，海膽比平時係香港食既鮮甜，唔會帶有鯹味，天婦羅唔會炸到好厚同乾晒，有番薯、蝦、菇、茄子，蟹柳，個細既魚生飯都有幾種魚角切，新鮮程度無壽司咁好。總括黎講，全部都好味，價錢亦算便宜。