麵尊

營業中

休息中

尋日喺香港仔收工後，我香港仔好出名嘅「麵尊」車仔麵，由於店舖太多人排隊，於是買咗兩個外賣，返去同老婆一齊食。第一個係腩汁豬頸肉、咖喱魚蛋、咖喱魷魚同酸齋配油麵，味道真係唔錯！豬頸肉嫩滑，腩汁濃郁入味😋，咖喱魚蛋同魷魚夠香辣，酸齋又提升咗整體味道層次，油麵吸晒啲腩汁，真係好惹味🍜。至於第二個係滷水雞翼、豬腸、豬皮、蠔油冬菇配油麵，絕對係重口味之選。滷水雞翼夠香，豬腸好腍好入味，處理得非常好，豬皮軟糯，膠質滿滿，而蠔油冬菇亦加強咗整體鮮味，油麵吸晒滷汁，老婆食完都話正🍗🍄。整體嚟講，個人認為麵尊車仔麵價錢合理，份量係絕對夠飽的。如果你地去香港仔，不妨都可以試吓「麵尊」，絕對值得一試！👍 老婆仲話下次要再試埋其他食物配料🤤👍 #麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食