886巷 (已結業)

元朗站📍886巷-元朗新開左抵食台灣菜，兩個人食到飽飽都係二百幾！那魯灣金湯飯拼龍躉（$88）魚肉有超多舊，龍躉仲要係厚皮個款，滿滿骨膠原，拼埋蝦、豆腐、菇菌。金湯酸甜，微辣，幾開胃，送飯一流😋麻辣鴨血無骨鴨掌豬大腸金門麵線（$68）呢個睇名都知豐富，麻辣湯底夠惹味，鴨血都大大片，鴨拳有兩件，豬大腸幾入味，配埋麵線大滿足😋👌呢個可以encore！黑金剛豚肉刈包（$33）呢個刈包幾特別，豚肉有嚼勁，另外面頭有層濃厚黑糖醬汁，甜甜地幾開胃，刈包質地幾厚實，食一個都少飽。一口生煎包（$28）共有五粒，細細隻，一口一個，不過不失。夜市拼盤（$48）呢個就岩晒貪心又想試多幾款既我，分別有三角雞軟骨、花雕炸雞、台灣夜市香腸、地瓜條、甜不辣同黃金芋圓球。當中推薦花雕炸雞同黃金芋圓球，炸雞多汁香酥，芋圓球內脆外綿👍🏻另外主食加$10就有一杯野飲，叫左兩個主食加兩杯先$20！抵！分別要左玫瑰荔枝梳打同百香檸檬雙響炮，兩杯都推薦，百香檸檬雙響炮就清新開胃，兩杯都有爆珠，口感豐富🥳環境方面，餐廳裝修簡約，幾衛生企理，而且出餐速度幾快，性價比都幾高。