The Coffeeology (已結業)

一早去銅鑼灣做眉毛補色，補完都未夠12點，食飯前先搵個地方飲杯咖啡。正好我都 bookmark 左幾間未試的銅鑼灣新Cafe，正好揀其中一間坐下。可能我入座時間揀得好，所以到達的時候店內只有兩人，仲唔小心包左場一陣，仲以為這間咖啡店經常滿坐添。入面基本上同我之前睇相差唔多，面積唔大的咖啡店，亮點是咖啡吧檯下面的水泥磚，餐牌都寫在牆上。長型那邊有兩張四人檯，比較適合食正餐。我自己就鍾意窗邊位，感覺較開揚，而且有自然光，靠住個牆角滑手機都幾舒服。飲品除了咖啡之外，也有朱古力和焙茶。我後來才發現佢地的日本茶都幾出名，之前係抹茶，現在換了焙茶。我去咖啡店通常都飲返咖啡。食物原來都幾多喎，我覺得早餐combo幾吸引，不過11點過後就無得食啦。全日供應的是酸種多士、意粉和沙律，還有貌似都幾受歡迎的不同口味芝士蛋糕。我覺得這個位好Zen好靚。 Latte HK$42咖啡有兩種風味的豆子可以揀，Fruity 或者 Nutty，我通常都係揀 Nutty，喝起來幾深焙的感覺，係 Nut 到有點盡頭的風味，想輕巧點可能要揀另一款。