No Milkshake No Life (山道)

營業中

休息中

香港大學站 港大生必去打卡餐廳Crazy!Cheers!Cheese!（$78）黐線芝士黐住芝士治Premium Wagyu Cheese Burger和牛芝士漢堡包配薯條（$135）呢間餐廳細細間，經常都見到有人喺店外排隊，起碼等三個字至半個鐘先入到座，皆因佢呢個必需打卡嘅紅菜頭芝士三文治。的確幾好食，麵包脆，芝士多，除咗流出嚟嘅芝士，麵包入面仲佈滿芝士，食落每一啖都一定有芝士，啱哂芝士控啊！至於漢堡包就一般，冇話特別出色，散散地，和牛都少少Juicy嘅，都係層芝士正啲，令整個包好食咗。我同朋友冇試到Milkshake，因為我地唔好甜而且覺得有啲貴，想試嘅話，焦糖杏仁碎比利士酒好似幾受歡迎，可以試下。餐廳環境幾潮，但係座位窄，有啲枱好細，直頭將凳當枱用（如圖），坐得唔舒服，加上成日有人喺出面排隊，唔食得耐，唔適合小聚。