早安越南 (已結業)

好耐冇食過牛油雞翼，所以今日放工決定去食越南野。近近地轉個灣就到左呢間早安越南。等左五分鐘，店員安排左我去到個有冷氣既位置等位，加分👍🏻😆環境都幾靚，雖然細細地，不過有位擺袋，冷氣又夠。今次叫左牛油雞翼、炸拼盤、青咖哩豬頸肉、炒金邊粉...😋牛油雞翼好大隻，好脆，蒜味正，兩個字"必食"炸拼盤係有扎肉同蝦餅，好脆，大家記住襯熱食😄超級無敵大份既青咖哩豬頸肉同金邊粉都係唔叫唔得，重點係要叫埋飯，會令個豬頸肉既味道昇華，啲豬頸肉又厚又多，大食的我都食唔哂。金邊粉都好大，男仔實夠飽👍🏻最後點左杯滴漏咖啡，好似好得意咁，睇住佢慢慢滴，提提大家要叫凍呀，因為叫凍可以凍熱都飲哂，唔甜又香，必試🤘🏻100分我會比90分，因為臨走先見到人地有個生蝦刺身同蒜蓉包，竟然miss左，下次一定要食埋佢。