影片
更多
2024-10-03
425 瀏覽
去咗尖沙咀帝國中心嘅韓脈，真係有啲驚喜。呢間餐廳主打韓國菜，今次試咗幾樣推介菜式，想同大家分享下。首先，試咗佢哋嘅醬油蟹🦀一開始見到呢個蟹，心入面驚驚地，因為平時唔係太鍾意食啲咁生冷嘅嘢。但係呢，呢隻蟹一啲都唔腥，反而好鮮甜，食落好乾淨，完全打破咗我嘅戒心。佢配嘅飯係用紫菜同牛油撈成，香味撲鼻，夾埋醬油蟹一齊食，真係一流。跟住就到燒肉🥩呢度燒肉會送一堆配菜，好似芽菜、泡菜同酸蘿白，呢啲配菜唔單止色彩繽紛，仲好開胃。食食下燒肉有時會滯滯地，有呢啲酸酸甜甜嘅配菜解膩，真係食得開心。講到燒肉，真係要超級推介佢哋嘅牛肋肉同豬腩肉。呢度嘅肉質真係好靚，肉味濃郁，每一啖都滿足。最緊要係店員會幫你燒！👍🏻火喉掌握得好，燒出嚟嘅肉唔會乾，保持到啖啖肉汁。另外，佢哋嘅炒粉絲真係不得了，應該係我暫時食過嘅TOP 5。入面嘅牛肉高質，口感同調味都處理得岩岩好，粉絲爽口，真係令人讚不絕口。仲叫咗支馬格利濁米酒飲下，佢用個茶壺仔同兩隻碗嚟裝，個感覺好得意。呢隻唔係太甜，配埋燒肉岩岩好，真係perfect match。店員普遍唔識廣東話，但英文冇問題，而且態度都好NICE，服務令人舒服。總括嚟講，韓脈係一間值得再
去咗尖沙咀帝國中心嘅韓脈，真係有啲驚喜。呢間餐廳主打韓國菜，今次試咗幾樣推介菜式，想同大家分享下。
首先，試咗佢哋嘅醬油蟹🦀
一開始見到呢個蟹，心入面驚驚地，因為平時唔係太鍾意食啲咁生冷嘅嘢。但係呢，呢隻蟹一啲都唔腥，反而好鮮甜，食落好乾淨，完全打破咗我嘅戒心。佢配嘅飯係用紫菜同牛油撈成，香味撲鼻，夾埋醬油蟹一齊食，真係一流。
醬油蟹
$250
27 瀏覽
0 讚好
0 留言
跟住就到燒肉🥩
呢度燒肉會送一堆配菜，好似芽菜、泡菜同酸蘿白，呢啲配菜唔單止色彩繽紛，仲好開胃。食食下燒肉有時會滯滯地，有呢啲酸酸甜甜嘅配菜解膩，真係食得開心。
牛肋骨
$275
0 瀏覽
0 讚好
0 留言
牛肋骨
19 瀏覽
0 讚好
0 留言
講到燒肉，真係要超級推介佢哋嘅牛肋肉同豬腩肉。呢度嘅肉質真係好靚，肉味濃郁，每一啖都滿足。最緊要係店員會幫你燒！👍🏻
火喉掌握得好，燒出嚟嘅肉唔會乾，保持到啖啖肉汁。
五花肉
10 瀏覽
0 讚好
0 留言
另外，佢哋嘅炒粉絲真係不得了，應該係我暫時食過嘅TOP 5。入面嘅牛肉高質，口感同調味都處理得岩岩好，粉絲爽口，真係令人讚不絕口。
韓式牛肉炒粉絲
$118
16 瀏覽
0 讚好
0 留言
仲叫咗支馬格利濁米酒飲下，佢用個茶壺仔同兩隻碗嚟裝，個感覺好得意。呢隻唔係太甜，配埋燒肉岩岩好，真係perfect match。
Makgeolli
21 瀏覽
0 讚好
0 留言
店員普遍唔識廣東話，但英文冇問題，而且態度都好NICE，服務令人舒服。
總括嚟講，韓脈係一間值得再去嘅餐廳，特別係鍾意食韓國菜嘅朋友一定唔好錯過。下次再去，仲想試下佢哋其他菜式。
張貼
