La Famille (已結業)

每次買蛋糕第一間諗起嘅一定係La famille佢哋啲蛋糕大部份選用的食材都係由日本直送例如北海道鮮忌廉同麵粉喺香港都可以食到日本嘅地道風味沖繩黑糖栗子蒙布朗選用日本丹波秋栗同法國栗子做成順滑嘅栗子蓉，然後配合沖繩黑糖烤製嘅戚風蛋糕，係秋天必食蛋糕🌰泰式奶茶鍾意飲泰奶嘅不要錯過呢個泰式奶茶戚風蛋糕，鬆軟嘅戚風蛋糕上面有泰奶鮮忌廉，蛋糕中間仲加入咗黑豆同忌廉芝士，每一啖都充滿着泰國風味西瓜玫瑰淨係賣相已經好靚，上層既水信玄餅加入咗玫瑰花同接骨木花，西瓜嘅清甜結合玫瑰嘅芳香，給人耳目一新的驚喜🍉紅桑梅荔枝底層細滑嘅慕絲以荔枝，紅桑梅，蛋黃，忌廉和鮮奶製成。雙層嘅果凍加入鮮果同食用花，美觀之外充滿果香，也不會過甜！