齊柏林熱狗店 (太安樓) (已結業)

香港最好食既熱狗店我會揀齊柏林！🤤🤤已經遍佈港九新界多個地區既本地品牌齊柏林熱狗店一定要支持，價廉物美，有誠意之作，當中美國洋蔥圈熱狗、三重熱溶芝味熱狗都好想試，但今次就試左澳式風情先🌭.澳式風情熱狗 $38非常吸引熱狗😍打開盒已經聞到邪惡既味道，表面燒焦既芝士，加上少許香草，一食好似食緊夏威夷pizza咁，有煙肉、菠蘿、千島醬呢個完美既組合，仲用上紐綸堡腸，酸味中和了芝士既膩，超級多汁，個包亦好軟熟，一定要打電話落單，如果唔係會等好耐，太多人幫襯佢地🤣