影片
更多
2018-10-14
285 瀏覽
好友外遊回港，說給我買了一些手信，提議去我屋企附近交收。既然友人咁有我心，不如就相約一起來天后食「好西」，順便坐低傾下偈。出咗天后站，沿著電氣道直行，路經 「Texas Burger」，友人突然被餐廳門口這個巨型漢堡相片吸引著，說很想一試。真識貨，「Texas Burger」獲得 LifeStyleAsia 評選為香港最佳十大漢堡，美味自然不在話下。既然友人想吃，就一於不作他想。其實呢間漢堡包店，筆者之前都幫襯過，無嚟一排，裝修好明顯與上次到訪時唔同咗，比之前開揚舒服，牆身亦多咗好多掛飾，加上可能係日頭嘅關係，感覺更加光猛闊落。打開餐牌，食物選項都幾豐富，除咗主打嘅漢堡之外，仲有小食、一系列墨西哥風味小吃，如粟米脆片、墨西哥芝士煎餅、墨西哥芝士夾餅、玉米薄脆等，另外亦有 BBQ Baby Ribs、意大利麵、意大利飯、幾款甜品、軟雪糕奶昔同飲品等。友人同我一樣都鍾意食香口嘢，所以率先揀咗客黑松露薯條 ($58)，薯條烤得夠曬香脆，薯肉飽滿，而且非常厚身，食落一點也不油膩，唯一就係稍嫌松露香味唔夠濃，但熱度滿分，配千島醬吃，感覺亦唔錯。漢堡包方面，本來我想試下近排好多人推介嘅「未來素食牛
好友外遊回港，說給我買了一些手信，提議去我屋企附近交收。既然友人咁有我心，不如就相約一起來天后食「好西」，順便坐低傾下偈。出咗天后站，沿著電氣道直行，路經 「Texas Burger」，友人突然被餐廳門口這個巨型漢堡相片吸引著，說很想一試。真識貨，「Texas Burger」獲得 LifeStyleAsia 評選為香港最佳十大漢堡，美味自然不在話下。既然友人想吃，就一於不作他想。
其實呢間漢堡包店，筆者之前都幫襯過，無嚟一排，裝修好明顯與上次到訪時唔同咗，比之前開揚舒服，牆身亦多咗好多掛飾，加上可能係日頭嘅關係，感覺更加光猛闊落。
打開餐牌，食物選項都幾豐富，除咗主打嘅漢堡之外，仲有小食、一系列墨西哥風味小吃，如粟米脆片、墨西哥芝士煎餅、墨西哥芝士夾餅、玉米薄脆等，另外亦有 BBQ Baby Ribs、意大利麵、意大利飯、幾款甜品、軟雪糕奶昔同飲品等。
友人同我一樣都鍾意食香口嘢，所以率先揀咗客黑松露薯條 ($58)，薯條烤得夠曬香脆，薯肉飽滿，而且非常厚身，食落一點也不油膩，唯一就係稍嫌松露香味唔夠濃，但熱度滿分，配千島醬吃，感覺亦唔錯。
漢堡包方面，本來我想試下近排好多人推介嘅「未來素食牛肉漢堡」，可惜店員話 Beyond Burger 這天沒有供應，咁惟有先試友人睇中咗嘅呢款軟殼蟹牛油果牛肉漢堡 ($108)。個漢堡包非常大件頭，材料一目瞭然。先拿起竹籤，再揭開包面，入面夾有半個牛油果、大大隻軟殼蟹同一塊接近 3cm 厚的漢堡扒，餡料一層疊一層，勁足料，未食已經令人流曬口水。牛油果已經去掉皮和核，入口熟透軟綿。軟殼蟹即叫即炸，咬下仍熱辣辣，非常鬆化。漢堡扒用煙薰牛肉嚟做，入口鬆軟多汁，加埋半溶芝士、生菜等配料，層次豐富。
見餐牌有咁多款墨西哥小食，反正食唔到 Beyond Burger，就點客軟皮墨西哥芝士夾餅 ($88/2pcs) 試試。夾餅材料共有 6 款可供選擇，包括手撕雞、香草菇菌、燒烤手撕豚肉、脆魚柳、煎牛柳條同軟殼蟹。揀咗香草菇菌和脆魚柳兩款，餅皮略為輕煎過，食落幾香口；菇菌菌香十足、魚柳香脆嫩滑，再加埋牛油果醬、番茄 Salsa 等醬汁，既清新又健康！
甜品選擇不多，只有 3 款，被這款香煎焦糖蘋果夾餅 ($58) 吸引，成品嘅賣相跟餐牌中相片有點不同，幸好味道亦不賴。饀餅即叫即做，上桌時仍熱辣辣，外皮非常薄身，食落又脆又香，入面夾滿甜美嘅焦糖蘋果，面頭淋上朱古力醬，中間再伴以忌廉，食完簡直甜到入心。不過個饀餅份量都幾大，建議最好兩人 Share 嚟食。
飲品方面，友人點了蜜桃菠蘿梳打 ($33)，梳打用上新鮮菠蘿及蜜桃打製，據說味道唔錯，鮮甜清新。至於我點的黑牛 ($40)，其實即係朱古力雪糕可樂特飲，雪糕幼滑香甜，配上冰凍的可樂，飲完簡直涼透心！聽店員講，餐廳最近喺朗豪坊開咗新分店，下次去開旺角一定要過去捧下場。
張貼
