深仔記 (已搬遷) 新店位置

話說之前有博客話香港無宵夜，但其實香港宵夜多到數唔哂！又飲完酒，由於中環蘭桂坊難截的士，因此有時搭小巴到九龍才轉的士回家，搭小巴期間突然肚餓，所以於彌敦道近咸美頓街跳車，殺入砵蘭街，宵夜太多選擇，揀咗深仔記，點了肥鵝腸湯麵($34)，單看湯表面已見鵝油浮現，膽固醇萬歳，先嚐一口麵，麵質尚算彈牙，不過仍有少少鹼水味，算合格，肥鵝腸果然是肥鵝腸，腸身爽脆爽口，肥膏入口即溶，邪惡非常。