敏華冰廳 (MOKO新世紀廣場)

營業中

休息中

今日去咗食我最鍾意嘅茶餐廳，茶餐廳嘅特色就係快靚正，而且我哋香港擁有世界獨有嘅港式奶茶 ， 但係大家知唔知道其實奶茶同茶走有乜嘢分別，咁其實奶茶就係落糖嘅，而茶走就係落煉奶嘅😂。咁最大嘅分別係一個係死甜一個唔係 所以好多識飲奶茶嘅人都會飲茶走🤣因為的而且確係好飲過普通奶茶好多🙋🏻‍♂️咁個飯大家應該知係乜嘢啦 就係叉燒煎蛋飯 亦都係好多茶餐廳成日都有嘅餸😂😂😂😂呢個蛋我覺得幾好 因為係窿邊蛋 所以食落口脆脆地幾正 而叉燒都係爽口嘅我覺得大家如果經過都可以去食下🤞🏻雖然味道唔係超級出色 不過價錢都對得住