送行提燈 (已結業)

由細到大都超級鍾意日本嘅妖怪，有好多好可愛好有意思嘅妖怪存在，所以當我一見到呢間居酒屋嘅時候就忍唔住即刻衝左去試。一行到入去已經feel到店主對妖怪嗰種熱情，除咗長身誘惑之外仲有好多個tricky好得意嘅位可以影相同埋認識更加多日本妖怪。就連Menu都係根據妖怪大全入邊啲妖怪嘅性格各樣野去幫啲菜式命名，真係好有心。首先店舖主打嘅麵食，可以凍食可以熱食，亦都可以加大份量去滿足唔同人嘅食量。面質好爽口，而且將生蛋打入去面汁入面食，係好傳統嘅日本人食法而且一定會好食，只要隻蛋夠新鮮。非常欣賞佢嘅竹炭天婦羅，或者你覺得佢賣相好核突，但係妖怪嘅食物真係咁樣㗎！今次叫咗南瓜同甜薯天婦羅，個面做得非常脆，而且黑色真係好均勻，忍唔住幫佢要影多幾張相。炸咖喱薯蓉餅都可以話係日本傳統小食定番。要炸到金黃鬆脆其實唔係容易，而且佢個咖喱味很出，細細件送酒，送汽水都非常合適。仲有一杯大天狗嘅飲品，其實就係一啲莓加乳酸嘅一個酸酸甜甜嘅飲品，點解叫大天狗㗎？我諗係個顏色掛。