影片
更多
2021-09-30
1208 瀏覽
食素都可以間中邪惡一下，公眾假期前夕我就約左朋友去食素漢堡和手工意粉，套餐價都係一百蚊鬆d，水準卻異常地好，真係食得好滿足呢！La Casa 位於上環地鐵附近，E2 出口出來穿過公園，餐廳就在中遠大廈對面的路邊。之前門口好似唔係黃色的，唔知幾時裝修過呢。小店做外賣為主，現場有三張四人檯，另外有兩個吧檯位，不過堂食用餐的人唔算多。裝修簡簡單單但都幾有型，黃色磚牆、霓虹燈牌加少少工業風，好似去左歐美小店。餐牌非常專注只有漢堡和意粉，午市加 HK$18 就可以升級套餐，四款小食任揀一款，仲有汽水飲。烤大啡菇漢堡/沙律(菲達芝士) HK$78 + HK$18(餐)如果你係生酮飲食唔食麵包，所有漢堡類都可以轉沙律，不過我都係覺得有包開心好多！這個大啡菇漢堡非常有水準，下層有些核桃粒粒和菲達芝士絕對係亮點，中間個汁亦夠惹味又夠多，吃起來非常滿足，沒有肉排也不會覺得單薄。跟餐的沙律都唔喎，仲有得免費加車打或者藍芝士，唔加沙律汁都好夠味。黑松露野菌手工闊條麵 HK$95 + HK$18(餐)最近一直吃到無麩質意粉覺得了無生趣 XD，好想食返真正彈牙的意大利粉，所以好期待這裡的手工闊條麵！入口果然無食我
食素都可以間中邪惡一下，公眾假期前夕我就約左朋友去食素漢堡和手工意粉，套餐價都係一百蚊鬆d，水準卻異常地好，真係食得好滿足呢！
La Casa 位於上環地鐵附近，E2 出口出來穿過公園，餐廳就在中遠大廈對面的路邊。之前門口好似唔係黃色的，唔知幾時裝修過呢。
小店做外賣為主，現場有三張四人檯，另外有兩個吧檯位，不過堂食用餐的人唔算多。
裝修簡簡單單但都幾有型，黃色磚牆、霓虹燈牌加少少工業風，好似去左歐美小店。
餐牌非常專注只有漢堡和意粉，午市加 HK$18 就可以升級套餐，四款小食任揀一款，仲有汽水飲。
烤大啡菇漢堡/沙律(菲達芝士) HK$78 + HK$18(餐)
如果你係生酮飲食唔食麵包，所有漢堡類都可以轉沙律，不過我都係覺得有包開心好多！這個大啡菇漢堡非常有水準，下層有些核桃粒粒和菲達芝士絕對係亮點，中間個汁亦夠惹味又夠多，吃起來非常滿足，沒有肉排也不會覺得單薄。
跟餐的沙律都唔喎，仲有得免費加車打或者藍芝士，唔加沙律汁都好夠味。
黑松露野菌手工闊條麵 HK$95 + HK$18(餐)
最近一直吃到無麩質意粉覺得了無生趣 XD，好想食返真正彈牙的意大利粉，所以好期待這裡的手工闊條麵！入口果然無食我失望，新鮮意粉就係好口感，最正係個野菌忌廉汁滿到瀉，啖啖吃到香濃美味，但又唔會太膩。
跟餐的小食揀左炸薯角，入口鬆化，外脆內軟咁樣。除了茄汁仲有一個芝士沙律醬之類可以點，好飽肚勁好食。
唔食肉都可以食邪惡餐，人生就係要間中放肆一下，咁先叫生活平衡！
張貼
