Igloo Dessert Bar (已結業)

最近研究香港有甚麼純素雪糕吃，找到中環碼頭這間 igloo dessert bar，在海傍咁 chill 食住純素雪糕確係爽，mark 低下次搭船去離島玩或者過尖沙咀順路食啦！在中環7號碼頭，即係搭去尖沙咀果度，右手邊走廊一行入去就見到啦，在便利店對面。甜品店主要吃雪糕，但也有飲品、雪糕糯米和雪條等，仲有雪糕雞蛋仔！我問過老闆，店內意大利雪糕有個純素系列，口味包括：Dark chocolate / Dark orange chocolate / Coconut water / Black charcoal / Oat milk，仲有多款水果口味雪葩，店內通常會有1至2款純素雪糕交替出沒，今日就有朱古力味，耶！雪糕杯 HK$50(兩球)雪糕可以先試食再揀口味，三個純素雪糕都香濃又清新，不過朱古力係特別吸引，配個酸酸地的百香果平衡味覺。我覺得這家的朱古力味純素雪糕，好像含住一粒朱古力等佢溶的感覺，不過好唔好食就睇你鍾唔鍾意呢款朱古力豆。沒奶的雪糕同樣幼滑，不過好似溶得比較快。搭船之前有純素雪糕食真係好！碼頭附近都幾多位可以吹住海風食架。