影片
更多
2020-07-06
1623 瀏覽
這間超隱秘咖啡店在旺角鬧市樓上，要識路先搵到上去，升降機門一開就柳暗花明又一村。除了環境幾靚好適合網美打卡，Menu上面竟然都搵到幾款素食，又真係估佢唔到喎。 咖啡店在中國移動旗艦店樓上，呢個位置其實有少少唔好彩，好多人可能唔想入中移動門口搭升降機上去。中國移動旗艦店門口宜家仲圍晒木板，搵個門口真係難上加難。環境走華麗風，中間個吧檯勁靚，粉紅色配色充滿少女心。你睇清楚d圓盤中間，原來係press咖啡粉個手柄，設計幾有心思。最正當然係平日午飯時間都無咩人，唔洗驚排隊等位，亦唔難影到打卡相。午市套餐真係異常抵，用手機開FB掃QR code可以加入會員，入左會午餐有85折又唔收加一，仲可以儲印仔儲免費咖啡，好適合精明師奶仔。午市套餐有兩款佢標明係「Vegan」，不過我食個未來漢堡係有芝士，個包食起來都幾香牛油味，我諗應該有蛋奶。我食完有現場向店員反映返，唔知佢地會唔會調整，如果你不吃蛋奶的話就要問清楚啦。坐窗邊可以望下街，採光又好，都幾舒服既。 午餐(9) 未來肉漢堡 HK$66(會員價) Caffe Latte +HK$8我杯咖啡有熊仔(定貓仔)拉花，都幾得意，而且個espresso竟
這間超隱秘咖啡店在旺角鬧市樓上，要識路先搵到上去，升降機門一開就柳暗花明又一村。除了環境幾靚好適合網美打卡，Menu上面竟然都搵到幾款素食，又真係估佢唔到喎。
咖啡店在中國移動旗艦店樓上，呢個位置其實有少少唔好彩，好多人可能唔想入中移動門口搭升降機上去。中國移動旗艦店門口宜家仲圍晒木板，搵個門口真係難上加難。
環境走華麗風，中間個吧檯勁靚，粉紅色配色充滿少女心。你睇清楚d圓盤中間，原來係press咖啡粉個手柄，設計幾有心思。最正當然係平日午飯時間都無咩人，唔洗驚排隊等位，亦唔難影到打卡相。
午市套餐真係異常抵，用手機開FB掃QR code可以加入會員，入左會午餐有85折又唔收加一，仲可以儲印仔儲免費咖啡，好適合精明師奶仔。
午市套餐有兩款佢標明係「Vegan」，不過我食個未來漢堡係有芝士，個包食起來都幾香牛油味，我諗應該有蛋奶。我食完有現場向店員反映返，唔知佢地會唔會調整，如果你不吃蛋奶的話就要問清楚啦。
坐窗邊可以望下街，採光又好，都幾舒服既。
午餐(9) 未來肉漢堡 HK$66(會員價) Caffe Latte +HK$8
我杯咖啡有熊仔(定貓仔)拉花，都幾得意，而且個espresso竟然係單品豆，又幾犀利。因為你平時出去咖啡店飲意式咖啡，個豆都係混合既，轉單品豆仲要加錢。不過這裡就沒有植物奶轉勒。
食物質素就一般般啦，Beyond Meat 漢堡都係基本配搭，個包都幾有誠意既，仲有半碟沙律菜都係靚菜，呢個價錢CP值算高。
近排去咖啡店間間都好多人，有d打卡店仲可能要排隊，想安安靜靜坐得舒舒服服可能要晨早八點出去。呢間在旺角地點超就腳，有葷有素有靚拉花咖啡，如果唔係諗住食好西，純粹想搵個地方坐下同朋友傾計都nice既。
張貼
