薄餅型 (已結業)

行去油麻地百老匯電影中心，路過見到這間新開業的薄餅店，不同口味的薄餅可以成個買也可以單件帶手，仲有一人、二人、三人、四人和八人套餐，非常適合開派對或一家大細。我叫左個二人餐試下，有薄餅有飯有雞仲有飲品，$170有找非常豐富。薄餅店在油麻地新填地街地鋪，店面都幾搶眼。薄餅口味有六款，可以單件、大批或巨批咁買。套餐2-8人都有得揀，約朋友開派對唔使自己煮得咁辛苦。單件的薄餅都幾大塊喎。蘑菇飯和肉醬意粉模式幾可愛。仲有脆雞和各種炸物小食。炸雞套餐都幾受歡迎，有雞有汽水下午茶必備。素食主義者薄餅黑橄欖、紅椒、青椒、番茄、紅洋蔥、莫薩里拉芝士竟然都有一款素食薄餅喎，配料都幾多元化，有紅有綠又有超多橄欖，薄身批底亦幾好咬口，有少少驚喜。蘑菇飯份量超大，醬汁亦香濃惹味。脆雞可以揀辣或不辣，新鮮炸起外皮香脆，雞肉都算嫩滑多汁。不想煮飯的日子特別想叫薄餅，返屋企前行去買個外賣，好味又滿足。