「迆」雪糕專門店 (已結業)

越來越多純素甜品推出市場，對素食者或蛋奶敏感人士來說都是福音，深水埗這間本土口味的「迆」純素雪糕店你又試左未？佢地最近新推凍檸茶×話梅和黑芝麻×豆腐幾個新口味，味道都好有驚喜啊！雪糕店位於南楓樓地下，食飽飯可以行過去食杯雪糕做甜品。入面以綠白為主調，空間感充滿感覺好悠閒舒服。除了軟雪糕亦有少量蛋糕和樽裝飲品供應。牆上焦點是這幅由本地插畫家繪畫的深水埗地圖，可以找到區內特色地標。軟雪糕全部都是純素，口味會定期轉換，這天就剛好換了新口味。雪條除了紅豆和海鹽焦糖之外，其他都係純素。雪糕筒則係奶素，不吃牛奶的話可以用紙杯裝。新口味都可以單獨或兩溝咁食，識食梗係揀扭紋，唔係點樣一次過食齊四隻味？妹子好檸迆：話梅味 + 凍檸茶味 去茶餐廳要叫凍檸茶，食純素雪糕都唔可以少左佢！每日在店內新鮮自泡的檸茶，茶底「少澀」檸汁香濃，我覺得單獨食起來都幾酸，如果你同我一樣鍾意酸野的話就OK，建議夾埋話梅一齊食會更平衡。話梅味中間食到粒粒話梅肉，又真係有古早鹹酸味。日迆夜迆：黑芝麻味 + 豆腐味四款口味之中我覺得黑芝麻味最有驚喜，初頭仲諗住黑芝麻好普通，點知食落咁香濃咁突出，原來用左本地新鮮即磨黑芝麻醬，真係食