影片
更多
2022-04-25
1441 瀏覽
雖然我住深水埗，不過一直未去試黑窗里，今日終於心血來潮去行去大埔道吃吃看，到底有沒有傳聞中咁好食呢？大埔道連續兩間素食店，後面同一個 block 的元州街都有兩間素食店，這個四方形範圍的風水應該好適合做素食。一直都覺得這間黑窗里太有性格，我每次想去吃的時候一係無開一係無飯食，如果你計劃去吃的話記得望清楚個時間表。1230 - 1630 午餐1430 - 1730 下午茶1800 - 2030 晚餐 (外賣)一至日(周二：酒水甜品)逢三休息入面原來有兩層，這天平日午餐時間樓下客滿要坐埋上樓上。都是木製的校園感桌椅，不是坐得很舒服那種類型。餐牌手寫在黑板上，也會每天在社交平台上載，主食有三款揀，菜式每日不一樣，有標明純素和可走五辛之類。主食加HK$35就可以跟湯和一個小食，同樣亦係每日變換。飲品有茶有咖啡，亦有本地手工啤酒。刁草蘑菇福花忌廉湯 HK$20 (Vegan) / 日式柚子醬油煮大根 HK$25 (vegan)這個湯的配搭非常新奇，而且入口確係層次豐富，好少飲到味道咁多元化的忌廉蘑菇湯，的確係有落心思煮。醬油煮大根的大根略嫌煮得未夠腍，亦唔算太入味，跟我想像中好入味的關東煮白蘿蔔
雖然我住深水埗，不過一直未去試黑窗里，今日終於心血來潮去行去大埔道吃吃看，到底有沒有傳聞中咁好食呢？
大埔道連續兩間素食店，後面同一個 block 的元州街都有兩間素食店，這個四方形範圍的風水應該好適合做素食。
一直都覺得這間黑窗里太有性格，我每次想去吃的時候一係無開一係無飯食，如果你計劃去吃的話記得望清楚個時間表。
1230 - 1630 午餐
1430 - 1730 下午茶
1800 - 2030 晚餐 (外賣)
一至日(周二：酒水甜品)
逢三休息
入面原來有兩層，這天平日午餐時間樓下客滿要坐埋上樓上。都是木製的校園感桌椅，不是坐得很舒服那種類型。
餐牌手寫在黑板上，也會每天在社交平台上載，主食有三款揀，菜式每日不一樣，有標明純素和可走五辛之類。主食加HK$35就可以跟湯和一個小食，同樣亦係每日變換。
飲品有茶有咖啡，亦有本地手工啤酒。
刁草蘑菇福花忌廉湯 HK$20 (Vegan) / 日式柚子醬油煮大根 HK$25 (vegan)
這個湯的配搭非常新奇，而且入口確係層次豐富，好少飲到味道咁多元化的忌廉蘑菇湯，的確係有落心思煮。醬油煮大根的大根略嫌煮得未夠腍，亦唔算太入味，跟我想像中好入味的關東煮白蘿蔔不同。
台式蔥油雞絲抹上海麵 HK$68 (vegan 可走五辛)
蔥油麵的精髓應該係個蔥油，這碗麵油就好夠勒，蔥就唔太夠喉，我自己煮的話應該要落兩扎蔥 XD。不過個蔥單獨吃起來係好正的。雞絲是用腐皮飾演，碗入面還有菇、豆和青瓜，配菜份量算唔錯啦。
總括來說食物的確係有落心機煮既，上菜速度略慢，是一間適合慢慢享受生活的素食店。
張貼
