影片
更多
2021-02-04
1071 瀏覽
長洲其實無咩好野食，所以我揀左食海景。這間隱身在長洲滑浪風帆中心的露天茶座位處海景第一排，吹住海風聽住海浪聲可以食簡單西餐，餐牌上面都有幾款素食選擇，味道仲出乎意料幾好添！由長洲碼頭行過去滑浪風帆中心大概需要8分鐘，得一條路行過去都唔難搵。長洲作為風帆皇后李麗珊的故鄉，來風帆中心吃飯都好理所當外，這天風和日麗清風送爽都真係有人出海玩風帆架。講起李麗珊，這個滑浪風帆中心係珊珊的叔叔(定伯伯？)開，奧運冠軍之路就由此起，其實都真係一個景點來的。我覺得這個露天茶座應該係長洲最靚景的餐廳，旁邊係觀音灣海灘，仲有個直升機場，同大海超近距離，聽住海浪聲就係放鬆。這裡其實做滑浪風帆為主，茶座都係俾滑完浪的朋友來用餐補充體力，現場有簡單酒吧和小廚房，還有好幾隻狗悠閒睡覺，間中過來打個招呼這樣(不過都係睡覺為主)。一場來到長洲望住個海咁Chill，好似應該飲啤就，這裡有日本和黎巴嫩手工啤酒，又幾有趣喎。 黎巴嫩手工啤酒(黃) HK$44 / 日本手工啤酒(漆黑) HK$58我喝的是黎巴嫩啤，因為從來無飲過這個國家的出品，咦？又真係屬於好飲既啤酒喎！可能同滑浪風帆特別夾。送啤酒可以叫個小食，據說都幾遠近馳
長洲其實無咩好野食，所以我揀左食海景。這間隱身在長洲滑浪風帆中心的露天茶座位處海景第一排，吹住海風聽住海浪聲可以食簡單西餐，餐牌上面都有幾款素食選擇，味道仲出乎意料幾好添！
由長洲碼頭行過去滑浪風帆中心大概需要8分鐘，得一條路行過去都唔難搵。
長洲作為風帆皇后李麗珊的故鄉，來風帆中心吃飯都好理所當外，這天風和日麗清風送爽都真係有人出海玩風帆架。
講起李麗珊，這個滑浪風帆中心係珊珊的叔叔(定伯伯？)開，奧運冠軍之路就由此起，其實都真係一個景點來的。
我覺得這個露天茶座應該係長洲最靚景的餐廳，旁邊係觀音灣海灘，仲有個直升機場，同大海超近距離，聽住海浪聲就係放鬆。
這裡其實做滑浪風帆為主，茶座都係俾滑完浪的朋友來用餐補充體力，現場有簡單酒吧和小廚房，還有好幾隻狗悠閒睡覺，間中過來打個招呼這樣(不過都係睡覺為主)。
一場來到長洲望住個海咁Chill，好似應該飲啤就，這裡有日本和黎巴嫩手工啤酒，又幾有趣喎。
黎巴嫩手工啤酒(黃) HK$44 / 日本手工啤酒(漆黑) HK$58
我喝的是黎巴嫩啤，因為從來無飲過這個國家的出品，咦？又真係屬於好飲既啤酒喎！可能同滑浪風帆特別夾。
送啤酒可以叫個小食，據說都幾遠近馳名，而且有兩個素食選擇添。
飽肚的有意粉，最有趣我覺得係「珊珊炒飯」，就係李麗珊小時候拿手的炒飯，哈哈。
最後一版仲有三文治、沙律和甜品，我覺得對住個海食雪糕窩夫都唔錯。
意大利麵 - 羅勒香草醬 (素) HK$78
出發去長洲之前我做過功課，島上面素食選擇唔多，既然係咁我就選擇來這邊吃海景。羅勒香草醬意粉吃起來超級香，夠油夠羅勒又夠晒芝士，估唔到一點都不頹，意粉仲 al dente。
如果有帶相機影相的話，這個位zoom過對面影人像都幾靚架。
望住個海食意粉係幾寫意。
來這邊當然少不免勁影相啦，有藍天大海做背景點影都靚，可以拍出度假感覺。
滑浪風帆中心這邊不在大街上，唔會好多遊人來吃，可以包場慢慢食，最緊要你唔驚曬。
張貼
